Yunon-rum kurashi. Abror Atabaev jahon chempioni!

Yunon-rum kurashi bahslarida -48 kg vazn toifasida yurtimiz sharafini himoya qilayotgan Abror Atabaev final yo'llanmasini qo'lga kiritganligi haqida xabar bergandik. Bugun u hal qiluvchi jangda eronlik Sajjad Abbospuragoniga qarshi gilamga chiqdi va raqibini mag'lubiyatga uchratdi. Ushbu g'oliblik yosh polvonimizga jahon chempionligini taqdim etdi.

-55 kg vazn toifasida musobaqada ishtirok etgan Amir Sultonov esa bronza medali uchun kechgan jangda Manuel Stoikani mag'lubiyatga uchratdi.

-51 kg vazn toifasida bahslarda qatnashayotgan Lazizxon O'zbekov musobaqa davomida Ozarbayjon, Litva, Armaniston kurashchilarini mag'lub etdi va finalga yo'l oldi. Endi u ertaga oltin medal uchun Laysharam Meyteyga qarshi gilamga chiqadi.

Qayd etib o'tish lozimki, musobaqa o'zbekistonlik yosh sportchilar uchun muvaffaqiyatli kechmoqda. Bungacha erkin kurash bo'yicha bahslarda Jamshid Marufov oltin, SHaxboz Komilov esa bronza medalini qo'lga kiritgandi.