Yunon-rum kurashi. Osiyo chempionati. Assakalovda kumush, uch nafar sportchimizda bronza

Avvalroq, bugun bahslarda ishtirok etayotgan sportchilarimizning barchasida medallar uchun imkoniyat borligi haqida xabar qilgandik.

Osiyo chempionatida medallar uchun bahslar yakuniga etdi.

-60kg vazn toifasida gilamga chiqqan hamyurtimiz bronza medali uchun bahsda Xitoy Taypeyi vakili YU Xung Linni 8:0 hisobida mag'lubiyatga uchratdi.

-67kg vaznda yurtimiz sharafini himoya qilgan Mirzobek Rahmatov esa hindistonlik Manishdan 6:4 hisobida ustun keldi va bronza medali sohibiga aylandi.

-72kg vazn toifasida Osiyo chempionatida ishtirok etgan Aram Vardanyan bronza medali uchun jangda Yuan Jiangga xech qanday imkoniyat qoldirmadi - 9:0!

-97kg vaznda finalgacha etib borgan Rustam Assakalov hal qiluvchi jangda eronlik Saidganbar Salohzodaga qarshi gilamga chiqdi va 0:4 hisobida imkoniyatni boy berdi. Ushbu mag'lubiyat sabab, sportchimiz kumush medal bilan kifoyalanishga majbur bo'ldi.

SHu tariqa, yunon-rum kurashchilarimiz Osiyo chempionatida 1ta oltin, 2ta kumush va 3ta bronza medalini qo'lga kiritdilar.

Eslatib o'tamiz, kecha boshlangan Osiyo chempionatida yunon-rum kurashchilarimiz Elmurat Tasmuradov oltin, Mo'minjon Abdullaev esa kumush medalni qo'lga kiritgandi.