Zarbdor tumanida katta kurash bayrami yoxud ushbu turnirning mutloq vazn toiflari g'oliblarini ikkita avtomobil kutmoqda

O'zbekiston Respublikasi Prezidentining  2020 yil 4 noyabrdagi  “Kurash milliy sport turini rivojlantirish va uning xalqaro nufuzini yanada oshirish chora-tadbirlari to'g'risida”gi qarori ijrosini  taminlash hamda 9 may – Xotira va qadrlash kuni munosabati bilan joriy yilning 13-14 may kunlari  Jizzax viloyatining Zarbdor tumanidagi markaziy stadionida  kurash va belbog'li kurash bo'yicha “Polvonlari ko'p yurt-qudratli bo'lur” shiori ostida kurash va belbog'li kurash bo'yicha xotira turniri bo'lib o'tadi. Jizzax viloyati hokimligi, Jizzax viloyati prokuraturasi tashabbusi bilan hamda O'zbekiston Respublikasi sportni rivojlantirish vazirligi, O'zbekiston  belbog'li kurash federaciyasi. O'zbekiston kurash federaciyasi va qator tashkilotlar hamkorligida o'tkaziladigan mazkur turnirda  kurash sport turi bo'yicha erkaklar  -60, -66, -73, -81, -90, +90 kgda  kuch sinashishsa, belbog'li kurash bo'yicha erkaklar -55, -60, -66, -73,-81,-90, -100, +100 kgda bellashishadi.  Ayollar esa kurash bo'yicha -48, -52, -57 kg vazn toifalarida gilamga chiqishadi. SHuningdek, har ikkala sport turi bo'yicha erkaklar mutloq vaznda ham g'oliblik uchun kurash tushishadi. Kurash va belbog'li kurash bo'yicha har bir vazn toifasida birinchi o'rinni qo'lga kiritgan polvonlar 5.000.000 so'mdan, ikkinchi o'rinni qo'lga kiritgan polvonlar 3.000. 000 so'mdan, ikkita uchinchi o'rinni qo'lga kiritgan polvonlar  1.500.000 so'mdan, mutloq vaznda g'olib bo'lgan sportchilarga 2 ta avtomobil, ikkinchi o'rinni qo'lga kiritgan polvonlarga 30.000.000 so'mdan hamda uchinchi o'rinni band etgan kurashchilar 10.000.000 so'mdan  pul mukofotlariga ega bo'lishadi.

Ilhom RAHMONOV tayyorladi