Zaynab Dayibekova: "Hali ham o'zimga kela olmayapman"

Zaynab Dayibekova Parij Olimpiadasida sablya dasturida ishtirok etdi va birinchi bosqichda Tokio-2020 Olimpiadasi sovrindoriga qarshi bahs olib borib, kichik hisobda mag'lub bo'ldi.

"Ahvolimni qanday tushuntirishni bilmayman. Hali ham o'zimga kela olmayapman, hafsalam pir bo'ldi, qalbim juda og'riyapti. Men o'zimdan yaxshi natija kutgandim va bilaman, murabbiyim, onam, prezidentimiz, rahbariyatimiz va siz mendan oltin medal kutgansiz, lekin men g'alaba qozona olmadim, shunday bo'lganidan juda xafaman. Meni qo'llab-quvvatlagan va ishonganlarga katta rahmat aytmoqchiman. Lekin bu oxiri emas, hayot davom etmoqda! Men hech qachon, hech qachon taslim bo'lmayman! Biz siz bilan yana ham kuchliroq bo'lamiz. Barchangizni yaxshi ko'raman va qo'llab-quvvatlaganingiz uchun minnatdorman", deb yozdi Dayibekova.