17 may 10:13
Yangiliklar

Boks/MMA

Zo'r yangilik! Pore - Getji jangi UFC 291 turniri uchun tasdiqlandi + POSTER

Amerikalik engil vazn toifasi UFC jangchilari Dastin Pore va Jastin Getji UFC 291 turnirida o'zaro to'qnash keladigan bo'lishdi.

Bu xabar rasman promoushenning Tvitter sahifasida elon qilindi. Ular maxsus BMF kamari uchun oktagonga ko'tarilishadi. Ushbu kamar Xorxe Masvidaldan so'ng vakant bo'lib qolgandi. UFC 291 turniri 29 iyul kuni Solt-Leyk-Siti shahridagi "Vivint-Arena"da bo'lib o'tadi.

Bu Pore va Getjining o'zaro ikkinchi jangi bo'ladi. Glendeyldagi UFC on Fox 29 turniri doirasidagi ilk jangda Dastin to'rtinchi raundda raqibini texnik nokautga uchratgan edi.

Malumot uchun, Pore so'nggi jangini 2022 yilning noyabr oyida Nyu-Yorkdagi UFC 281 turnirida Maykl CHendlerga qarshi o'tkazib, uchinchi raundda raqibini mag'lubiyatga uchratgandi. Getji esa shu yilning martida Londondagi UFC 286 turnirida ozarbayjonlik Rafael Fizievdan ustun kelgan edi.