18 июл 20:50
Новости

Теннис

Акгул Аманмурадова "Nur-Sultan W60" турнири саралаш босқичида кортга чиқди, Истоминнинг ўйини қолдирилди

Нур-Султонда теннис бўйича ITF туркумига кирувчи мусобақанинг саралаш босқичи бўлиб ўтмоқда.

Ушбу турнирнинг саралаш босқичида ҳамюртимиз Акгул Аманмурадова ҳам ўз омадини синаб кўрмоқда. Бугун Оқгул грузиялик Зозия Кардавага қарши кортга чиқиб, рақибасини 6:3, 6:4 ҳисобида таслим этди.

Маълумот учун, ҳамюртимиз ҳозирда WTA рейтингида 693-ўринни банд қилиб турибди.

Дарвоқе, кеча ҳамюртимиз Сергей Фомин "F5 Nur-Sultan M25" турнирида чемпионликка эришган эди.

Аввалроқ, Денис Истоминнинг бугун кортга чиқиши ҳақида хабар берган эдик, аммо ҳамюртимиз иштирокидаги учрашув эртанги кунга қолдирилгани маълум бўлди.