18 июл 16:46
Янгиликлар
Теннис
Бугун Денис Истомин "Nur-Sultan Challenger 80" турнирида кортга чиқади
Бугун Қозоғистон пойтахти Нур-Султон шаҳрида теннис бўйича "Challenger" таснифига кирувчи турнирнинг асосий тўр баҳслари старт олади.
Мукофот жамғармаси 53,120 долларни ташкил қилувчи ушбу мусобақада мамлакатимизнинг биринчи ҳамда учинчи ракеткалари Сергей Фомин ва Денис Истомин ҳам иштирок этяпти.
Бугун Денис Истомин турнирнинг илк даврасида россиялик Ян Бондаревскийга қарши кортга чиқади. Баҳс Тошкент вақти билан 19:00 да бошланиши белгиланган.
Маълумот учун, айни вақтда Истомин АТР рейтингида 449, Бондаревский эса 441-ўринни эгаллаб турибди.
Сергей Фомин эса турнирдаги иштирокини эртага, зимбабвелик Бенжамин Локка қарши баҳс билан бошлайди.
Таққослаш учун, Фомин бугун эълон қилинган АТР рейтингида 407, Лок эса 446-ўринда жойлашган.
Ҳавола :
Манба : olamsportcom
Фикрлар