21 июн 09:07
Новости

Бокс/ММА

Bellator P4P рейтингида ҳам пешқадам ўзгарди

Кеча вазн тоифасидан қатъий назар UFC промоушени аёллар рейтингида мексикалик чемпион Алекса Грассо карвонбошига айланиб олганди.

Эътиборлиси, Bellator лигасининг кучлилар рейтингида ҳам пешқадам ўзгарди. Россиялик Вадим Немков рейтингда биринчи ўринга кўтарилиб олди. Немков тўрт кун аввал яримоғир вазн тоифасидаги чемпионлик камарини муваффақиятли ҳимоя қилганди.

У беш раунд тўлиқ давом этган жангда тажрибали Йоэль Ромерони очколар ҳисобига кўра мағлубиятга учратган эди. Вадим ушбу ғалабаси эвазига рейтингда бразилиялик Патрисиу "Питбуль" Фрейрини ортда қолдирди. Фрейри иккинчи ўринга пастлади. Украиналик Ярослав Амосов эса учинчи ўринда қолди.

Америкалик Серхио Петтис тўртинчи ўринга кўтарилди. Рейтингда кейинги ўринларни Жонни Эблин, Эй-Жей Макки, Усман Нурмагомедов, Райан Бейдер, Патрик Микс ва Кори Андерсон банд этган.