Чимаев билан жанг бекор қилинганидан кейин Костани шифохонага ётқизишди

"Афсуски, мени яна шифохонага ётқизишди ва яна бир марта операция қилинадиган бўлдим. Операция жума куни бўлади. 18 сентябрь куни биринчи марта шу ерда, Абу-Дабида операция бўлгандим. Ўша операциядан кейин жангда қолиш учун қўлимиздан келган барча ишни қилдик. Бироқ инфекция яна қайтди ва мени яна бир марта операция қилиш керак бўлмоқда.

Мухлислар учун афсусдаман, чунки улар бу жангни интиқлик билан кутишаётганди. Ўзим ва жамоамдан ҳам узр сўрайман, ҳаммадан кўра биз ушбу жангнинг ўтказилишини истагандик. Ўз навбатида мени қўллаб турган барчага, айниқса, илк кунлардан то ҳозирги кунгача ёнимда бўлиб турган UFCдан миннатдорман", - деди Коста.