11 окт 13:23
Новости

Бокс/ММА

Чимаев билан жангда Костанинг ўрнини эгаллашга рози жангчи топилди

Бир неча соат аввал UFC президенти Дана Уайт Пауло Костанинг жароҳати сабаб Хамзат Чимаевга қарши кечиши керак бўлган жанг бекор қилиниши мумкинлиги ҳақида айтганди.

Ўрта вазн тоифасида рейтингида 7-ўринни эгаллаб турган Роман Долидзе жарроҳлик столига ётиши кутилаётган Пауло Костани алмаштиришга тайёр эканини маълум қилди.

"Хамзат? UFC 294", - дея ижтимоий тармоқдаги саҳифасида мурожаат қолдирган Долидзе.

21 октябрь куни БАА пойтахти Абу-Даби шаҳрида ўтказиладиган UFC 294 турнири доирасидаги Чимаев - Коста жанги бекор қилиниш арафасида турибди. Аслида бразилиялик аралаш яккакураш устаси жароҳати сабаб бу жангни уч ҳафта кейингига сурган эди. Энди яна унинг айби билан жанг бекор бўлишга яқин.

Маълумотларга қараганда, Хамзат билан жанг қилиш учун Марвин Ветторига ҳам таклиф юборилган. Лекин италиялик жангчи бу таклифга рад жавобини берган. 35 ёшли Роман Долидзе шу йилнинг март ойида айнан Ветторига очколар ҳисобига кўра имкониятни бой бериб. ўзининг тўртта ғалабадан иборат сериясига барҳам берганди. Грузиялик навбатдаги жангини 2 декабрь куни Миннеаполисда рейтингнинг тўртинчи поғонасидан жой олган америкалик Жаред Каннонирга қарши ўтказиши керак.