Дзюдо. ЖЧнинг тўртинчи куни ҳам Ўзбекистон учун медалсиз якунланди

Бугун, 9 октябрь куни икки нафар ҳамюртимиз медаллар учун кураш олиб борди. Эркаклар ўртасида -81 кг вазн тоифасида Шарофиддин Болтабоев, аёллар ўртасида эса -63 кг вазнли Севинч Исоқова юртимиз шарафини ҳимоя қилди. 

Афсуски, спортчиларимиз илк жангларида биттадан ғалабага эришган бўлсалар, иккинчи баҳсда имкониятни бой бериб, мусобақадаги имкониятни бой бериб қўйишди. 

Уларнинг иштирокига оид янгиликларни ушбу саҳифа орқали кузатиб боришингиз мумкин бўлди. 

САҲИФАНИ ЯНГИЛАШ

-81 кг вазнли Шарофиддин Болтабоев учинчи босқичда япониялик Сотаро Фуживарага қарши курашди ва Golden Score'да имкониятни бой берди. 

-63 кг вазнли Севинч Исоқова франциялик рақибасига иппон эвазига имкониятни бой бериб қўйди. Афсус.

-81 кг вазнда Шарофиддин Болтабоев тожикистонлик Сомон Маҳмадбековга қарши татамига чиқди ва ғалаба қозонди.

-63 кг вазнли Севинч Исоқова илк босқичда қирғизистонлик Ажар Исаевага қарши курашди ва Golden Score'да рақибдаги учта шидо эвазига кейинги босқичга чиқди.

Севинч Исоқованинг қирғизистонлик рақибасига қарши жанги бошланмоқда. 

Шарофиддин Болтабоев иштирокини иккинчи босқичда тожикистонлик рақибга қарши курашадиган бўлди.

Дзюдочиларимиз ЖЧни қуйидаги рақибларга қарши бошлашади: 

-81 кг: Шарофиддин Болтабоев - Сомон Маҳмадбеков (Тожикистон) / Француа Драпеу (Канада)

-63 кг: Севинч Исоқова - Азҳар Исаева (Қирғизистон)