12 апр 07:42
Новости

Дзюдо

Европа-2021 Олимпиада-2020 учун рейтинг турнири вазифасини ўтайди

Келаси йили Португалияда ўтказиладиган дзюдо бўйича катталар ўртасидаги Европа чемпионати Токио Олимпиадаси учун рейтинг турнири вазифасини ўтаб беради.

Бу ҳақида Европа дзюдо иттифоқи президенти Сергей Соловейчик хабар берди.

- 2021 йилги Европа чемпионати 30 апрель - 2 май кунлари оралиғида Португалиянинг Лиссабон шаҳрида ўтказилади. Айни пайтда Португалия дзюдо федерацияси қитъа чемпионатини юқори савияда ўтказиш учун катта ҳажмдаги ишларни олиб бормоқда. Европа чемпионати Токио Олимпиадасига рейтинг турнири вазифасини ўтаб беради, - деди Соловейчик.