ФОТО Шоҳжаҳон Эргашев Сабриэль Матиасга: "Рингда учрашганимизда ухлаб қоласан"

Аслида IBF ҳар икки боксчининг промоутерларига жанг ўтказиш учун 25 августга қадар муддат берган эди. Аммо Эргашев оёғидаги жароҳати сабаб чемпионлик баҳсидан олдин ўртада битта жанг ўтказиб олиш учун рухсат сўради. Матиас эса бу вазиятда кейинги жангини Сергей Липинецга қарши ўтказадиган бўлди. 

Воқеалар ривожи ўзгариб кетгач, иккала боксчи Instagram саҳифасида айтишиб олишди. Ҳужумни биринчи бўлиб Пуэрто-Рико шарафини ҳимоя қилиб келаётган Сабриэль бошлади. У ҳамюртимизнинг рекордини унинг "личкаси"га жўнатиб, кулгу ва энса қотар смайликларни қўшимча қилди. Камига ўрта бармоғини ҳам кўрсатган. Эргашев табиийки, бу қўполиккни жавобсиз қолдирмади.  

Шоҳжаҳон: Рингда учрашганимизда ухлаб қоласан. Ўша пайт ухлаётганингда етарлича вақтинг бўлади.

Сабриэль: Ўзингни бос, буни синаб кўриш учун ўзингда вақт бўлади. Рингда сенинг қандай қочиб юрганингни кўраман. 

Шоҳжаҳон: Чуқур уйқуга кетишингдан олдин, барча яқинларинг билан хайрлашиб олишни маслаҳат бераман.