06 сен 07:02
Новости

"Ҳумо" икки нафар ҳужумчини ўз сафига қўшиб олди

Тошкентнинг "Ҳумо" хоккей клуби икки трансферни амалга оширди.

Жамоа Қозоғистон чемпионати янги мавсуми олдидан икки нафар россиялик ҳужумчилар - Василий Жилов ва Вадим Шегольковни ўз сафига қўшиб олди.

Василий Жилов 1994 йил 20 ноябрь куни Уфа шаҳрида туғилган. У "Салават-Юлаев" клуби тарбияланувчиси ҳисобланади. Ўтган мавсумни ВХЛда - "Тамбов" жамоаси сардори сифатида ўтказган. ВХЛда умумий ҳисобда 286 та ўйин ўтказиб, 103 очко (42+61) ишлаган. У "Ҳумо" таркибида 87-рақам остида ўйнайди.

Вадим Шегольков эса 1994 йилнинг 19 апрелида Москвада туғилган. У "Вастом" клуби тарбияланувчиси. Ўтган мавсумни "Норильск" клуби билан ВХЛда ўтказган. ВХЛда умумий ҳисобда 222 та ўйин ўтказган ва 79 очко (46+33) жамғарган. У "қанотлилар" сафида 19-рақамда ўйнайди.