03 авг 07:59
Новости

"Ҳумо" клуби сафига яна бир легионер келиб қўшилди

Тошкентнинг "Ҳумо" хоккей клуби Қозоғистон чемпионатига тайёргарликни давом эттирмоқда.

Жамоа раҳбарияти таркибни кучайтиришга ҳам эътибор қаратган. Кеча клуб сафига яна бир россиялик хоккейчи келиб қўшилди. Ҳужумчи Евгений Попитич янги мавсумда "Ҳумо" клуби шарафини ҳимоя қилади.

Попитич 1994 йилда Пермда дунёга келган. Айнан шу ном билан аталувчи клуб тарбияланувчиси ҳисобланади. Бир неча мавсум Қозоғистон чемпионати иштирокчиси "Кулагер" клуби шарафини ҳимоя қилган. Ўтган мавсумда эса Польшанинг "Краковия" жамоасида ўйнаган эди.

Эътиборлиси, Евгенийнинг укаси Артём Попитич 2019/2020 йилги мавсумда "Ҳумо" шарафини ҳимоя қилганди.