03 ноя 13:20
Новости
Бокс/ММА
IBF Жошуани нокаут қилган Даниэль Дюбуанинг кейинги рақиби ким бўлишини эълон қилди
Халқаро бокс федерацияси (IBF) оғир вазн тоифасидаги чемпион Даниэль Дюбуага ихтиёрий ҳимоя жангини ўтказиши учун рухсат берди.
Sky Sports нашри хабарига кўра, Дюбуа жамоаси IBF рейтингида 12-ўринни эгаллаб турган Фабио Уордлига қарши жанг ўтказиш имконияти бўйича ташкилотга сўров юборган. Шундан сўнг, IBF Даниэльга ихтиёрий ҳимоя имконини тақдим этди.
29 ёшли Уордлининг промоутери, худди Дюбуаники каби Фрэнк Уоррен ҳисобланади.
Эндиликда Дюбуа 2025 йил 22 апрелга қадар ихтиёрий ҳимоя жангини ўтказиши керак бўлади.
Эслатиб ўтамиз, Даниэль Дюбуа сентябрь ойида Энтони Жошуа билан жанг қилиб, нокаут орқали зафар қучганди.
Ссылка :
Источник : IBF
Комментарии