04 ноя 18:47
Новости

"Ливерпуль" Мбаппега қизиқишини сақлаб қолган

Франциялик футболчи Премьер-лига клубига ўтиши мумкин.

"Ливерпуль" ПСЖ ҳужумчиси Килиан Мбаппени қўлга киритиш имконияти борлигига ишонмоқда. Бу ҳақда "L'Equipe" нашри хабар бермоқда.

Англия клуби сўнгги 6 йил давомида Франция терма жамоаси футболчиси атрофидагилар билан алоқани давом эттириб келмоқда. Мерсисайдликлар Мбаппе кейинги ёзда фаолиятини давом эттириш учун "Ливерпул"ни танлаши мумкинлигига ишонишмоқда.

24 ёшли Мбаппе 2018 йилнинг ёзидан буён ПСЖда тўп тепиб келмоқда. Унинг Париж клуби билан амалдаги шартномаси 2024 йилнинг 30 июнига қадар амал қилади.