16 апр 16:47
Новости

Мбаппе ПСЖнинг Франция чемпионатидаги энг яхши тўпурарига айланди

ПСЖ ҳужумчиси Килиан Мбаппе Франция чемпионатининг 31-туридан ўрин олган “Ланс”га қарши баҳсда (3:1) 31-дақиқада ҳисобни очувчи голга муаллифлик қилди.

“Ланс” дарвозасига урилган гол Мбаппе учун ПСЖ таркибида Франция чемпионатидаги 139-гол бўлди. Шу тариқа, Килиан миллий чемпионатда гол уриш бўйича ПСЖ рекордини янгилади. Унга қадар рекорд 138 та гол билан Эдисон Каванига тегишли эди.

Умумий ҳисобда, 24 ёшли Франциялик футболчи жорий мавсумда ПСЖ сафида барча турнирлар доирасида 35 ўйинда 31 та гол ва 7 та голли узатмага муаллифлик қилган.