25 сен 11:43
Новости

Остон Ўрунов яна жароҳат олди

Ўзбекистон терма жамоаси вингери Остон Ўрунов ва эронлик ҳимоячи Ҳуссайн Канони "Персеполис" машғулотида жароҳат орттириб олди.

Бу ҳақда "қизиллар" бош мураббийи Воҳид Ҳошимиян маълум қилди.

"Канони ва Ўрунов кечаги машғулотда оғриқ ҳис этди. Эҳтимол, улар "Малаван" билан баҳсда қатнашмайди", — деди мураббий.

"Varzesh3" ахборотига кўра, клуб тиббий штаби ҳар икки футболчининг ҳолатини ўрганиб чиқади ва 25 сентябрь кунги "Малаван"га қарши ўйин олдидан хулосасини тақдим этади.