08 июл 12:03
Новости

Ўзбекистон МТЖ аъзосига Туркия клуби қизиқиш билдирмоқда

“Бунёдкор“ ярим ҳимоячиси Одил Ҳамробековга Эроннинг уч клубидан қизиқиш борлиги ҳақида маълумотлар тарқалганди.

Улар орасида амалдаги чемпион “Тракторсози“нинг қизиқиши жиддийроқдек кўринаётган эди.

Ўзбекистон МТЖ аъзосига Туркия клубидан ҳам қизиқиш бўлди. Ҳозирча, айнан қайси турк клуби эканлиги номаълум. Форс ёки турк клуби “Бунёдкор“га Одилнинг товон пулини тўлиқ тўлаб берган тақдирдагина уни сотиб олиши мумкин бўлади.

Эслатиб ўтамиз, Ҳамробековнинг “қалдирғочлар“ билан келишуви 2026 йилнинг сўнгига қадар мўлжалланган.