07 окт 12:07
Новости

Бокс/ММА

Қозоғистонлик бокс "барби"си IBO чемпионига айланди

Таиланднинг Бангкок шаҳрида профессионал бокс оқшоми ташкил этилди.

Турнир доирасида қозоғистонлик Ангелина Лукас Аргентина вакиласи Дебор Анахи Лопес билан жанг қилди. Ўн раунд этиб белгиланган жанг тўлиқ давом этди ва унда очколар ҳисобига кўра Лукас ғолиб деб топилди.

Қайд этиш жоиз, жанг аёллар ўртасида ўта енгил вазнда вакант бўлиб турган IBO чемпионлик камари учун ўтказилди. Ангелина ғалабаси орқали жаҳон чемпионига айланди. Бу қозоқ "барби"сининг проф боксдаги 11-ғалабаси бўлди. Унинг ҳисобида битта мағлубият ҳам бор.