13 янв 09:42
Новости

Расман: "Пахтакор" бразилиялик ярим ҳимоячи билан шартнома имзолади

"Пахтакор" клуби раҳбарияти бразилиялик ярим ҳимоячи Жонатан Лукани ўз сафига қўшиб олди.

Футболчи билан 2025 йилнинг сўнггига қадар мўлжалланган битим тузилди. Бразилиялик Португалия Примейрасида жами 67 та, Иккинчи Примейрасида эса 54 та ўйин ўтказган. Лука сўнгги бор Португалиянинг "АВС Футебол" (Португалия) жамоасида ўйнаган.

"Клубимиз раисининг ҳомийлигида сафимизга тажрибали футболчиларни жалб қилишда давом этяпмиз. Айтиб ўтганимиздек, эндиги навбат легионерларга. Жонатан Педру Морейра билан ишлаган. Шунинг учун бош мураббий унинг хизматидан фойдаланишга қарор қилди. Мақсад, у орқали таркибдаги аксар ёш футболчиларга майдонда билим бериш. Бугунги ўйин ҳам "Пахтакор" тўғри йўлда эканлигини кўрсатди деб ўйлайман", — деди "Пахтакор" раиси ўринбосари Дилшод Каримов.