14 дек 14:43
Новости

Бокс/ММА

Расман. Собиқ UFC жангчимиз Саидёқуб Қаҳрамоновнинг шанба куни ким билан жанг қилиши маълум!

Теги : Саидёқуб Қаҳрамонов Karate Combat

16 декабрь куни, шанба тонгида АҚШнинг Лас-Вегас шаҳрида Karate Combat 43 мусобақаси ўтказилади.

Кеча Olamsport.com сайти энг енгил вазн тоифасида ўзбекистонлик UFC собиқ жангчиси Саидёқуб Қаҳрамонов ҳам ушбу турнир доирасида жанг қилиши ҳақида хабар берган эди.

Маълум бўлишича, ҳамюртимизга бу жангда бразилиялик Габриель Перейра Станкунас (2-1-0, каратэ) рақиблик қилади. Қайд этиш жоиз, Саидёқуб бу жангда канадалик Робби Лавойенинг ўрнига захира жангчиси сифатида иштирок этади.

Каратэ қоидалари асосида ўтказиладиган турнирнинг марказий жангида 36 ёшли UFC собиқ жангчиси Энтони Петтис яна бир собиқ UFC вакили Бенсон Ҳендерсон билан жанг қилади.

Эслатиб ўтамиз, ҳамюртимиз сўнгги жангини 2023 йилнинг май ойида XMMA 6 турнирида бразилиялик Рафаэль Костага қарши ўтказиб, илк раунддаёқ ғалаба қозонган эди. Қаҳрамонов 2021-2022 йилларда UFC доирасида 3 та жанг ўтказган ва уларнинг 2 тасида ғалаба қозонган, яна бир жангда мағлуб бўлган.