Шоҳжаҳон Эргашев кейинги жангини Туркияда ўтказиши мумкин

"Анча яхши формага кириб олдим. Умар Кремлёв бошчилигидаги IBA'дан менга июль ойи учун жанг таклиф қилишди. Нима дейсизлар, қабул қилсаммикан? Жанг Истанбулда бўлади", деб ёзган Эргашев.

33 ёшли Шоҳжаҳон проф фаолияти давомида ҳозирга қадар 27 та жанг ўтказиб, 25 ғалаба ва 2 та мағлубият қайд этган. Ҳамюртимиз сўнгги жангини жорий йилнинг 15 февраль куни Фарғонада угандалик Жунжу Пауэрга қарши ўтказиб, биринчи раунддаёқ нокаут эвазига ғалаба қозонганди.