15 янв 23:15
Новости

Бокс/ММА

Шоҳжаҳон Эргашев навбатдаги жанги қачон ва қай мақомда ўтишини айтди (ВИДЕО)

Шоҳжаҳон Эргашев навбатдаги жанги бўйича тафсилотларни маълум қилди.

Биринчи яримўрта вазнда ўзбекистонлик професионал бокс устаси Шоҳжаҳон Эргашев (23-0) Инстаграм тармоғидаги расмий саҳифаси орқали навбатдаги жанги бўйича тафсилотларни маълум қилди.

Эргашев мухлисларининг "Камарга жанг қачон", - дея йўллаган саволига қуйидагича жавоб қайтарди:

"Худо хоҳласа, мана ҳаракат қиляпмиз. Аллоҳ насиб қилса, февралда жанг ўтказаман. Камарга ҳам уришаман. Февралдаги жанг элиминатор, яъни даъвогарлар жанги бўлади. Шу жангда ютсам, кейин ҳар қандай чемпион билан уришса бўлади".

Шоҳжаҳон Эргашев сўнгги бор 10 август куни Детройт (АҚШ)да ташкиллаштирилган бокс оқшоми доирасида мексикалик Анхель Мартинес Эрнандес (14-2-2)га қарши жанг қилиб, муддатидан аввал ғалаба қозонган эди.