20 окт 07:52
Новости
"Tashkent Select" Қозоғистон ёшлар чемпионатидаги илк ғалабасини қўлга киритди
Кеча хоккей бўйича Қозоғистон ёшлар чемпионатидан ўрин олган бир нечта ўйинлар ўтказилди.
Жумладан, Тошкентнинг "Tashkent Select" жамоаси ўз уйида "Актобе"ни қабул қилди. Қувонарлиси, ўйинда ҳамюртларимиз 5:4 ҳисобида ғалаба қозонишди. Бу "Tashkent Select" жамоасининг Қозоғистон ёшлар чемпионати доирасида қўлга киритган илк ғалабасига айланди.
Тошкентликлар мавсум бошидан буён кетма-кет 8 та ўйинда мағлуб бўлишган эди. Ҳозирда жамоа 2 очко билан турнир жадвалида 13 жамоа орасида 10-ўринни эгаллаб турибди.
Бугун "Tashkent Select" "Актобе"га қарши иккинчи уй ўйинини ўтказади. Учрашув соат 14:00 да бошланади.
Ссылка :
Источник : olamsport.com
Комментарии