09 июн 11:02
Новости

Бокс/ММА

UFC чемпионларида ўз вазнини ўзгартириш "мода" бўляпти шекилли

Ўта енгил вазнда UFC чемпиони Валентина Шевченко Тайлой Сантосни мағлуб этган тақдирда ўз вазнини ўзгартириши мумкинлигини айтди.

— Ғалаба қозонсангиз энг енгил вазнга ўтасизми?

"Ҳамма имкониятлар ўз вазнимда. Эҳтимол, энг енгил вазнга ўтарман, бироқ ўз вазнимда ҳам янги рақобатчилар кўпаймоқда. Умуман олганда, иккала вариант ҳам менга ишлайди".

— Энг енгил вазнда ким билан жанг қиласиз?

"Аманда Нуньес, Жулианна Пеньа — ким бўлишидан қатъий назар".

— Вазн ташлайсизми?

"Бу ҳақда ўйлаб кўраман", - деди Шевченко UFC 275 турнири олдидан ўтказилган медиа кунида.

Маълумот учун, Валентина Шевченко жорий ҳафтанинг шанба кунида, Сингапурда Тайлой Сантосга қарши жанг қилади.

Аввалроқ, бир неча бор ўта енгил вазнда амалдаги чемпион Дейвисон Фигередо энг енгил вазнга ўтиш ниятида эканлигини ёзгандик.