11 ноя 17:38
Новости

Бокс/ММА

UFC рейтинги янгиланди: Холлоуэй Анкалаев ва Бонфимни ортда қолдирди

Теги : Макс Холлоуэй UFC Fight Night 264

UFC Fight Night 264 турнирининг асосий жангида ямайкалик Ренди Браунни иккинчи раундда нокаутга учратган бразилиялик ярим ўрта вазн тоифаси вакили Габриэл Бонфим рейтингда тўрт поғона юқорилади.

Бу билан у Топ-10`таликка кириб олди. Америкалик Жозеф Моралес турнирнинг co-main event жангининг биринчи раундида Мэтт Шнеллни гилотина усулида бўғиб қўйганди. Бу натижаси эвазига у Рафаэль Эстевамни ўн бешинчи ўриндан тушириб, ташкилотнинг энг енгил дивизиони рейтингига кириб олди.

Тадбир доирасида ҳакамларнинг якдил қарори билан Майру Буэно Сильвани мағлубиятга учратган Португалия вакиласи Жаклин Кавалканти бразилиялик спортчи билан ўрин алмашди ва аёллар ўртасидаги энг енгил вазн рейтингида ўнинчи ўринни эгаллади.

Турнирнинг яна бир иштирокчиси Тиша Пеннингтонни ҳакамларнинг якдил қарори эвазига мағлуб этган бразилиялик Дениз Гомес биринчи энг енгил дивизионда икки поғонага кўтарилиб, америкалик рақибасини ўн бешинчи ўринга туширди.

Шунингдек, ўзгаришлар ташкилотнинг эркаклар ўртасидаги энг яхши жангчилари рўйхатига таъсир кўрсатди. Унда BMF камари эгаси, америкалик енгил вазн тоифасидаги Макс Холлоуэй бир поғона кўтарилиб, P4P рейтингида ўн биринчи ўринни эгаллади. Ярим оғир вазн тоифасида собиқ UFC чемпиони Магомед Анкалаев эса ўн иккинчи ўринда қайд этилди.