07 мар 07:23
Новости

Велоспорт

Велоспротчимиз Париж-2024 учун рейтинг очкоси тақдим этувчи халқаро мусобақада олтин медални қўлга киритди!

Янина Кускова Хорватияда бўлиб ўтган халқаро мусобақа ғолибига айланди.

Хорватияда велоспорт бўйича аёллар ўртасида Porec Trophy Ladies мусобақаси бўлиб ўтди.

Қувонарлиси, ушбу мусобақада ўзбекистонлик велоспортчи Янина Кускова маррага биринчи бўлиб етиб келди ва олтин медални қўлга киритди. Кускова олтин медал йўлида 116 км масофани 3:05:18 сонияда босиб ўтди.

Шунингдек, мазкур мусобақада иштирок этган яна бир ҳамюртимиз — Ольга Забелинская саккизинчи ўринни қайд этди. Ушбу натижа орқали Париж-2024 олимпиадаси йўлида Янина Кускова 40, Ольга Забелинская эса 3 рейтинг очкосини қўлга киритди.

1. Янина Кускова (Ўзбекистон) - 3:05:18
2. Лара Жиллеспье (Ирландия) - 3:05:19
3. Урска Пинтар (Словения) - 3:05:19.