Интервью. Шоҳжаҳон Эргашев нокаут, кейинги йилги чемпионлик жанги ва бошқалар ҳақида

Эътиборингизга, ушбу интервьюнинг ўзбек тилидаги талқинини тақдим этамиз.


- 11 ноябрь кунги жангга қандай тайёргарлик кўряпсиз?

- Тайёргарлик ажойиб бўлди. Менга АҚШда шуғулланиш, Детройдда машғулотлар олиб бориш ёқмоқда.


- АҚШда дебют қиласиз. HBO телеканали орқали трансляция қилинадиган ушбу катта шоу ҳақида нима дея оласиз?

- Менинг жангга тайёргарлигим юқори даражада. 11 ноябрь кунги тўқнашувга тайёрман. Промоутерим ўз ишини бажарди. Энди эса менинг навбатим. Нью-Йоркда, умуман, мамлакатда мухлисларим кўп. Шунингдек, Россиядан ҳам менинг жангимга келадиганлар бўлади. Ўша куни шоу кўрсатишга тайёрман.




- Бундан кейин жангларингиз Америка Қўшма Штатларида бўладими?

- Ха.


- АҚШ дебюти олдидан қандайдир қўшимча босимни ҳис қиляпсизми?

- Мен масъулиятни ҳис қиляпман. Бу ер жуда катта саҳна. Ўзимни бутун дунёга ва АҚШ бокс оламига кўрсатиб қўйиш учун янги имкониятдир.


- Маркес Хауторнга қарши жанг қиласиз. У ҳақида нималарни биласиз?

- Кимга қарши жанг қилаётганимни менга фарқи йўқ. Мен рақибларимни мағлуб этиш учун қаттиқ тайёргарлик кўряпман.



- Ғалабадан сўнг яна қандай тахминларингиз бор?

- Нокаут. Рақиб ким бўлишидан қатъий назар.


- Жангдан нималарни кутмоқдасиз?

- 11 ноябрь куни менинг АҚШдаги саргузаштларимга илк қадам ташланади. Мен ғалаба қозониб, кейинги йили чемпионлик жангида иштирок этмоқчиман. Бу жанг эса мен келганлигимни барчага кўрсатиб қўювчи тўқнашув бўлади.


- Суҳбат якунида нималар дейиши истайсиз?

- Мен шунчаки профессионал боксчи эмасман. Мен жаҳон чемпионлиги камарини ютиб олмоқчиман. Ҳозир АҚШдаман ва биринчи ўртаенгил вазн тоифаси янада кучаяди. Агар камар сенда бўлса, мен сендан уни олиб қўйиш учун бормоқдаман.