07 дек 00:29
Янгиликлар
Бокс/ММА
Шаҳобиддин Зоировнинг 1 млн долларлик жанги кутилмаган натижа билан якунланди
Бирлашган Араб Амирликларининг Дубай шаҳридаги "The Agenda" мажмуасида бокс бўйича "IBA Чемпионлар оқшоми" мусобақаси бўлиб ўтди.
Мусобақанинг иккинчи асосий жангида ўзбекистонлик чарм қўлқоп устаси Шаҳобиддин Зоиров рингга кўтарилди.
31 ёшли Олимпиада ғолибига Венесуэла вакили Йоэль Финоль рақиблик қилди.
Энг енгил вазн тоифасида ташкил этилган 10 раундлик жанг IBA Pro таснифидаги чемпионлик камари учун ташкил этилди. Беллашув тўлиқ давом этди ва унда 95-95, 96-94, 96-94 ҳисобида Йоэль Финоль ғалабага эришди.
IBA раҳбари мазкур жангнинг 5-раундигача нокаут орқали ғолиб бўлган боксчи 1 млн долларлик мукофот пулига эга бўлишини хабар қилган эди, бироқ бу бонус ҳеч бир боксчига насиб этмайдиган бўлди.
Ҳавола :
Манба : olamsport.com
Фикрлар