14 сен 14:03
Янгиликлар

Футбол

13 ёшли "мактаб боласи" катта футболда майдонга тушди

Шимолий ирландиялик мактаб ўқувчиси Кристофер Атертон 13 ёш-у 329 кунлигида Буюк Британиядаги энг ёш футболчига айланди.

Ўсмир футболчи сешанба куни Лига Кубоги доирасида "Гленавон" жамоаси таркибида "Доллингстаун" устидан йирик 6:0 ҳисобида ғалаба қозонилган учрашувнинг иккинчи таймида захирадан майдонга туширилди.

У майдонда илк иштирокини амалга ошириш орқали 14 ёш-у 323 кунлигида Имон Коллинзнинг 42 йиллик рекордини янгилади. Атертон рекордга қўшимча равишда жамоасининг олтинчи голига асистентлик қилди.

Маълумот учун, Коллинз 1980 йил 9 сентябрда "Блэкпул" либосида дебют қилганди.