“India Open”. Ярим финалда рингга чиққан 7 боксчимизнинг барида ғалаба, Жалолов кубалик рақибини енгди!

Кеча мусобақанинг ярим финал жанглари ўтказилиб, финалга йўлланма олган чарм қўлқоп усталарининг номи маълум бўлди. Ярим финалда рингга чиққан 7 нафар боксчимизнинг бари ўз жангларини ғалаба билан якунлаб, финалга йўл олишди.

Энг оғир +91кг вазн тоифасидаги ҳамюртимиз Баҳодир Жалолов кубалик боксчи Йоанди Ортегани 5:0 ҳисобида мағлубиятга учратди. Барча ҳакамлар 30:27 ҳисобидаги ғалабани Жалоловга беришди.

-75кг вазндаги биринчи рақамли боксчимиз Исроил Мадримов мезбонлар вакили Мандип Жанграни 4:1 ҳисобида енгди. -91кг вазндаги чарм қўлқоп устамиз Санжар Турсуновнинг рақиби ҳиндистонлик Сумит Сангванга рингга чиқмади ва бу вазиятда ҳамюртимизга техник ғалаба ёзилди.

Ярим финал натижалари:

-52кг: Худойназар Файзов - Марвин Табамо (Филиппин) – 4:1

-56кг: Абдулҳай Шораҳматов - Еташ Хан (Ҳиндистон) – 5:0

-64кг: Иқболжон Холдоров - Дираж (Ҳиндистон) – 4:1

-69кг: Бобоусмон Ботуров - Сингҳ Неги Дурйодхан (Ҳиндистон) – 5:0

-75кг: Исроил Мадримов - Мандип Жангра (Ҳиндистон) – 4:1

-91кг: Санжар Турсунов - Сумит Сангван (Ҳиндистон) – ҳамюртимизда техник ғалаба

+91кг: Баҳодир Жалолов - Йоанди Ортега (Куба) – 5:0