24 сен 12:20
Янгиликлар
Теннис
17 ёшли Ҳумоюн Султонов Чимкент турнири вице-чемпиони!
Ҳозиргина Қозоғистоннинг Чимкент шаҳрида теннис бўйича соврин жамғармаси 10 минг АҚШ долларидан иборат турнир ўз якунига етди.
Бугун турнирнинг яккалик баҳсларида финал учрашуви ўтказилди. Ҳал қилувчи финал баҳсида истеъдодли теннисчимиз, 17 ёшли Ҳумоюн Султонов турнирнинг тўртинчи рақамли иштирокчиси, эстониялик Владимир Ивановга қарши кортга чиқди.
Уч соату 3 дақиқа давом этган баҳсда тажрибали Иванов 7:5, 4:6, 7:6(7) ҳисобида зафар қучиб, бош мукофотни қўлга киритди. Султонов эса вице-чемпионга айланди.
Эътиборлиси, Ҳумоюн Султонов турнирнинг олтинчи ракеткаси россиялик Иван Давидовни 6:3, 6:1, яна бир рус теннисчиси, учинчи ракетка Виктор Балудани 7:6(5), 6:3 ҳисобида енгиб, ўзига хос шов-шув кўтарган эди.
Ҳавола :
Манба : olamsport.com
Фикрлар