Узоқ кутилган Уайлдер - Фьюри жанги якунланди

Ҳакамлар жангда дуранг қайд этилганини маълум қилишди!

Olamsport.com сайти жангдан матнли трансляция олиб борди. 

ЖАНГ ЯКУНЛАНДИ. Ҳакамлар қарорини кутамиз!

Сўнгги раундда Уайлдер яна бир маротаба рақибини нокдаунга туширди. Аммо, Фьюри яна ўзида куч топа олди ва жангни охиригача етказиб қўйди. 

Ўн биринчи раунд ҳам ниҳоясига етди. Аммо, аниқ ишонч билан кимнидир ғалаба қозонади деб айта олмаймиз. 

Ўнинчи раунд якунланди. Яна икки раунд қолди. 

Тўққизинчи раундда илк нокдаун қайд этилди. Уайлдер кетма-кет зарбалардан сўнг Фьюрини нокдуан ҳолатига туширди. Аммо, Тайсон ўрнидан турди ва раундни якунига етказиб қўйди. 

Еттинчи раундни боксчилар фаол ўтказишди. Уайлдер серия уюштирди, Фьюри эса ўзининг бир неча аниқ зарбаларини амалга оширди. 

Олтинчи раунд ҳам якунланди. Қайсидир боксчини яққол устунликка эришмоқда демаган бўлардик. 

Бешинчи раунд. Фьюри нисбатан кўпроқ зарба беришга уринмоқда. Аммо, зарбаларнинг барчаси ҳам етиб бораётгани йўқ. Уайлдер эса сифатга эътибор қаратмоқда.

Тўртинчи раунд катта эҳтимол билан Фьюри фойдасига ҳал бўлди. 

Учинчи раундни ҳам Уайлдер фаол ўтказди.

Иккинчи раунд ҳам якунланди. Раунд сўнггида Уайлдер устунликка эга бўлди. 

Уайлдер жанг олдидан нисбатан фаворит ҳисобланаётганди. Бироқ, Фьюри бу шунчаки тахмин эканлигини исботламоқда. 

Биринчи раунд одатга кўра танишув билан бошланди.

Жанг бошланди!

Ҳар икки боксчи рингга чиқиб келди. 

Британия ва АҚШ мадҳиялари янгради.

Лос-Анжелесда бокс бўйича WBC йўналиши бўйича жаҳон чемпиони Деонтей Уайлдер ҳамда собиқ жаҳон чемпиони Тайсон Фьюри ўртасидаги жанг старт олмоқда.