07 мар 19:37
Янгиликлар

Бокс/ММА

21 ойлик танаффусдан сўнг қайтган "Дахшат" 44 сонияда рақибини нокаут қилди

Профессионал бокснинг супероғир вазн тоифасида собиқ WBC чемпиони Самуэль Питер (37-6, 30 КО) деярли икки йиллик танаффусдан сўнг яна катта боксга қайтди.

Нигериялик 38 ёшли боксчи биринчи раунднинг 44-сониясидаёқ мексикалик Герардо Эскобар (2-22, 1 КО)ни нокаутга учратди. Аслида бу жанг 22 февраль куни Мексиканинг Тихуана шаҳрида ўтказилган экан. Лекин кенг оммага кеча, 6 март куни эълон қилинди.

Эслатиб ўтамиз, Самуэль Питер ўз вақтида икки бор украиналик бокс афсонаси Владимир Кличко билан тўқнаш келган. 2005 йилнинг 24 сентябрь куни ўтказилган илк жангда Питер Кличкони уч маротаба нокдаун ҳолатига тушириб қўйган ҳолатда мағлубиятга учратганди. 2010 йилнинг 11 сентябрь кунги реваншда эса Кличко 5 йил аввалги мағлубият учун ўч олган эди.