22 дек 11:53
Янгиликлар

Бокс/ММА

22 кун олдин комага тушган боксчининг ҳолати ҳақида хабар берилди

Канадалик промоутер Ивон Мишель Associated Press агентлигига ўз мижози Адонис Стивенсоннинг ҳолати юзасидан қисқа маълумот берди.

Профессионал бокснинг ярим оғир вазн тоифасида собиқ жаҳон чемпиони бўлган Адонис 1 декабрь куни ўз ватанида ўтган чемпионлик ҳимоя жангида украиналик Александр Гвоздикка имкониятни бой берганди. Гвоздик рақибини нокаутга учратиб, чемпионлик камарини қўлга киритган эди.

Жангдан сўнг ўзини ёмон ҳис қилган Стивенсонни касалхонага олиб боришган ва у ўша ерда кома ҳолатига тушиб қолганди. Промоутернинг сўзларига қараганда, Адонис ҳамон кома ҳолатида қолмоқда ва унга сунъий мослама ёрдамида нафас бериляпти.