06 мар 16:44
Янгиликлар

Бокс/ММА

40 миллион доллар, Жошуа ва Фьюрига қарши жанг: Кличко олдида қизиқарли таклиф пайдо бўлди

Украиналик боксчи Владимир Кличко агар рингга қайтадиган бўлса 40 миллион доллар ишлаб олиши мумкин.

Маълум бўлишича, унга DAZN стриминг платформаси томонидан шундай таклиф тушган.

Шартнома бўйича 42 ёшли боксчи учта жанг ўтказиши керак. Биринчи жанг Германияда бўлиб ўтади. Унда Кличко ТОП10 боксчиларидан бирига қарши рингга кўтарилади. Иккинчи ва учинчи жангни у Лондондаги "Уэмбли" стадионида Энтони Жошуа ва Тайсон Фьюрига қарши ўтказади.

У кейинги жангда рингга чиқиши учун мағлуб бўлмаслиги керак бўлади.

Режалаштилаётган учта жанг 2019 йилда - май, сентябрь ва декабрь ойларида бўлиши керак.