31 дек 18:20
Янгиликлар
Бокс/ММА
48 сонияда нокаутга учраган Ронда Роузи 3 миллион доларга эга бўлди
Хабар берганимиздек, бугун АҚШнинг Невада штати Лас-Вегас шаҳрида аралаш қоидалар бўйича UFC 207 шоуси ўтказилган эди.
Оқшомнинг марказий жангида енгил вазн тоифасида собиқ жаҳон чемпиони Ронда Роузи амалдаги чемпион, бразилиялик Аманда Нуньесга қарши октаконга кўтарилган эди.
Жанг кутилмаганда 48-сониядаёқ якунланганди. Нуньеснинг кетма-кет йўллаган зарбаларидан сўнг афсонавий жангчи нокаутга учради.
Шунга қарамай, Роузи 48 сония туриб бергани учун аввалдан кафолатланган 3 миллион доллар гонорарга эга бўлди.
Қизиғи шундаки, амалдаги жаҳон чемпиони Аманда Нуньес бор йўғи 100 минг доллар гонорарни қўлга киритди.
Ҳавола :
Фикрлар