27 май 11:58
Янгиликлар
Бокс/ММА
Шоҳжаҳон Эргашевнинг 11 июнь кунги жангдаги рақиби маълум
Хабар берганимиздек, 11 июнь куни пойтахтимиздаги "Юнусобод" спорт мажмуасида профессионал бокс кечаси ташкил этилади.
Профессионал боксда мағлубиятсиз одимлаётган ҳамюртимиз Шоҳжаҳон Эргашев (19-0-0) томонидан ташкил этилаётган бокс оқшомининг марказий жанги табиийки, айнан унинг иштирокида бўлиб ўтади.
Шоҳжаҳоннинг бизга хабар беришича, у 10 раунддан иборат жангда ганалик Роберт Куайега қарши рингга кўтарилади. Оқшом доирасида яна камида 7 та жуфтлик жанглари ўтказилади. Якуний кард тез орада маълум бўлади.
Эътиборга молик жиҳати шундаки, Шоҳжаҳон Эргашев ва Роберт Куайенинг проф рингдаги натижалари бир хил. Ҳар икки боксчи ҳам 19 тадан жанг ўтказиб, барчасида ғалаба қозонишган. Барча жангларини Ганада ўтказган Роберт 16 та жангини муддатидан аввал якунлаган.
Ҳавола :
Манба : olamsport.com
Фикрлар