Буюк Британия спорт вазири "Манчестер Сити" учун энг ёмон оқибатларни истисно этмаяпти

Нэнди ушбу масалада "Манчестер Сити"ни қуйи лигага тушириб юбориш каби жазони истисно қилиб бўлмаслигини таъкидлади, чунки лиганинг нуфузи айнан шунга боғлиқ. Шунингдек, қоидалар аниқ ва изчил бўлиши лозим:

"Айтишим мумкинки, энг оғир жазо чораси ҳақиқатан ҳам жуда жиддий. Назарда тутаётганим шуки, агар бундай турдаги айбловлар ўз тасдиғини топса, клуб Премьер-лигадан четлатилиши мумкин, бу эса, табиийки, барча учун улкан оқибатларни келтириб чиқаради.

Шу сабабли кўзда тутилган санкциялар жуда оғир, менинг фикримча, бундан ҳам муҳимроқ масала шундаки, биз қоидаларнинг аниқ тушунарли бўлишини, уларга риоя қилинишини ва изчил қўлланишини, шунингдек, қоидабузарликлар юз берганда тезкор чора кўриш имкониятини қандай таъминлашимиз кераклигидадир.

Премьер-лига — бизнинг энг асосий экспорт маҳсулотларимиздан бири. У миллионлаб инсонларга қувонч улашади ва биз уни келажакда мухлислар учун ҳимоя қила олишимизга ишонч ҳосил қилишни истаймиз", – деди Нэнди “Channel 5 News” эфирида.

Эслатиб ўтамиз, мустақил комиссия "Манчестер Сити"ни 2009 йилдан 2018 йилгача бўлган даврда молиявий фэйр-плейни бузганликда айбдор деб топди, бироқ "шаҳарликлар"га нисбатан ҳали ҳеч қандай жазо чораси эълон қилинмади: бу комиссиянинг кейинги фаолияти давомида амалга оширилади.