Аброр Турсунпўлатов: "Ковалёв билан ишлашим Фазлиддин учун ҳам фойда бўлади"

Ушбу хабардан сўнг биз Аброр ака билан боғланиб, унинг фикрлари билан қизиқдик.

"Бирга ишлаш борасида Ковалёвнинг ўзи таклиф билан чиқди. Розилигимни сўради. Мен эса агар барча айтганларимни бажаришга рози бўлса, у билан ишлашга тайёр эканлигимни маълум қилдим. Шу тариқа у мен билан бирга ишлашни бошлади.

Яқин кунларда унинг навбатдаги жанги маълум бўлади. У WBO чемпионлик камари учун бўлади.

Фазлиддинни машғулотларига таъсир қилмайдими? Насиб қилса барчаси яхши бўлади. Бу борада биринчи навбатда у билан маслаҳатлашдим. Файзининг ўзи ҳам у билан ишлашимни истади. Ҳозир кун давомида олдин Фазлиддин билан, кейин Ковалёв билан бирга шуғулланаман. Баъзи кунлари бирга машғулотлар ўтказамиз.

Агар мен чемпионлик жангида иштирок этадиган бўлсам, мен учун тажриба бўларди. Фазлиддиннинг чемпионлик жанги мен учун янгилик бўлмайди. Бу ишларнинг барчаси Фазлиддин учун ҳамдир", - дейди Аброр Турсунпўлатов.