UZ

Сўнгги янгиликлар

20:10Сергей Фоминдан навбатдаги ғалаба. Ҳамюртимиз M25 турнири ярим финалида 0 19:45Холматов рақибидан ярим килограмм оғирроқ, Жалоловнинг рақиби эса... Астанадаги бокс оқшоми иштирокчилари вазн ўлчаш маросимида иштирок этди (Тўлиқ натижалар) 0 19:24Мануэль Нойер қайтди 0 19:02Саидёқуб Қаҳрамонов фаолиятини якунлашигача яна нечта жанг ўтказмоқчи эканини маълум қилди 0 18:39Қиличбозлик бўйича терма жамоамиз ўсмирлар ва ёшлар ўртасидаги Жаҳон чемпионатида қатнашади 0 18:17Уиттакерни нокаут қилмоқчи бўлаётган Кайо Борральо навбатдаги рақиби аниқ бўлганлигини айтди 0 17:53Бруну 5-марта ва 2020 йилдан бери илк бор АПЛда ойнинг энг яхши футболчиси бўлди 0 17:25"Махачевнинг фаолияти тўлиқ Хабиб қарорларига боғлиқ" - Сехудо 0 17:02UFC собиқ чемпиони фаолиятини якунлади 0 16:38Топурия тайёр эмасми? UFC президенти жанг анонси кечикишини изоҳлади 0 16:16Португалиялик футбол агенти Файзуллаевнинг "Бенфика"га трансфери масаласида фикр билдирди 0 15:54WBA рейтинги янгиланди. Ўзбек боксчиларининг ўрни қандай? 0 15:28Рамазон Темиров билан жамоадош қирғизистонлик спортчи захира жангчиси сифатида UFC'га қўшилди 0 15:05Муҳаммад Мокаев Karate Combat 54 турнирида қозоғистонлик спортчи билан жанг қилади 0 14:40Афсонавий Кафу Қозоғистонга келди (ФОТО) 0

02 июн 18:25
Янгиликлар

Бошқалар

Адлия вазири Руслан Давлетов Ўзбекистон баскетбол федерацияси президенти этиб сайланди

Бугун, 2 июнь куни Миллий олимпия қўмитасида Ўзбекистон баскетбол федерациясининг навбатдан ташқари ҳисобот-сайлов конференацияси бўлиб ўтди.

Унда МОҚ Президенти Умид Аҳмаджонов, Бош котиб Жасур Матчанов, Президент маслаҳатчиси Комилжон Худойберганов, Ўзбекистон баскетбол федерацияси мутасаддилари ҳамда оммавий ахборот воситалари ходимлари иштирок этишди.

Конференция аввалида йиғилганларга кун тартиби таништирилди. Унга кўра, федерация раҳбарининг ваколат муддати якунлангани сабаб ташкилотга янги раҳбар сайлаб олиш куннинг асосий масаласи сифатида қайд этилди.

Шундан сўнг федерация мутасаддилари томонидан ташкилот фаолиятига оид тақдимот намойиш этиб берилди. Унда баскетбол федерацияси фаолияти, ривожланиш тарихи, бугунги кундаги ҳолати таништирилди, сўнгги вақтларда юзага келган муаммолар, камчиликлар қайд этиб ўтилди.

Бунгача Ўзбекистон баскетбол федерацияси президенти сифатида фаолият олиб борган Дусанов Зоҳид Абдуқаюмович соғлиғи ёмонлашгани сабабли ўз лавозимини тарк этгани маълум қилинди.

Сўнгра, кун тартибига биноан делегатлар томонидан федерациянинг янги низоми тасдиқланди.

Кейин эса федерация раҳбарлиги лавозимига Ўзбекистон Республикаси Адлия вазири Давлетов Русланбек Қуролтоевич номзоди таклиф этилди. Конференция иштирокчилари ушбу номзодни бир овоздан қўллаб-қувватладилар. Шу тариқа Р.Давлетов Ўзбекистон баскетбол федерациясининг президенти этиб сайланди.

"Билдирилган ишонч учун миннатдорчилик билдираман. Ишончни оқлайман. Биринчи вазифамиз, федерация тизимидаги ишни тўғри йўлга қўйиб олишдир. Ташкилот тизимини қайта кўриб, кимнинг қандай имкониятларга эга эканлигини ўрганиб чиқамиз. Баскетболни ривожлантириш учун бизга малакали мутахасисслар керак бўлади. Бу борада қўллаб-қувватлашингизга умид қиламан ва келажакда албатта яхши натижаларни қўлга киритамиз", - деди Р.Давлетов.

Шунингдек, янги раҳбар вилоятларда ҳам баскетболни ривожлантиришга эътибор қаратишини, терма жамоа учун хориждан малакали мураббийлар жалб қилинишини, бугунги кунда энг асосий муаммолардан бири бўлиб турган база масаласи ҳал қилинишига ҳам алоҳида урғу бериб ўтди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг