Афсонавий Пеленинг кўп йиллик орзуси рўёбга чиқди

Пеле Бразилия терма жамоасининг Рио Олимпиадасининг футбол мусобақасида ғалаба қозонганлигини катта хурсандчилик билан кутиб олди. Бразилия футболи тарихида илк бор Олимпиада олтин медали қўлга киритилди.

Бразилияликлар Неймар сардорлигида ҳал қилувчи финал учрашувида Германия терма жамоасини пеналтилар сериясига кўра мағлубиятга учратишди.

“Мен бир умр Бразилия терма жамоасининг Олимпиада чемпиони бўлиши орзу қилиб келдим. Футболчи сифатида бу орзусини амалга ошириш менга насиб қилмади. Лекин бугунги авлод футболчилари нафақат менинг, балки барча бразилияликларнинг орзуларини рўёбга чиқарди”, – деди Пеле.