30 сен 08:36
Янгиликлар

Гандбол

АGMK ОЧЛ ғолиби, кубок Ўзбекистонда қолди!

Пойтахтимиздаги муҳташам “Ўзбекистон” спорт мажмуасида гандбол, яъни қўл тўпи бўйича аёллар жамоалари ўртасида Осиё чемпионлар лигаси мусобақаси якунланди.

Тошкентда илк бор ташкил этилган ушбу нуфузли турнирда Ўзбекистон, Эрон, Қозоғистон ва Ҳиндистон жамоалари иштирок этишди. Мусобақанинг сўнгги куни Олмалиқнинг АGMK жамоаси Эроннинг “Larestan” клубини 30:20 ҳисобида мағлуб этиб, турнир ғолибига айланди.

Иккинчи ўринни Қозоғистоннинг “ILE” клуби банд этди. Ён қўшниларимиз мусобақанинг сўнгги куни Ҳиндистоннинг “Indiya” клубидан 49:28 ҳисобида якун ясашди. Тошкентнинг “Uzbechka” жамоасидан 34:27 ҳисобида устун келган Қозоғистоннинг “Almaty” клуби кучли учликка якун ясади.