Алдо Мойканони нокаутга учратди, Мораеш Ассунсаони енгди

Кечанинг марказий жангида Марлон Мораеш Рафаэль Ассунсаога қарши октагонга чиқди. Жанг биринчи раунддаёқ якунланди. Мораеш ўнг қўлда йўллаган кучли зарбаси билан Ассунсаони нокдаун ҳолатига тушириб қўйди. Муваффақиятини ривожлантирган Марлон бўғиш усули билан рақибини таслим бўлишга мажбур этди. 

Собиқ UFC чемпиони Жозе Алдо эса Ренато Мойканога қарши баҳс олиб борди. Биринчи раунд кичик устунлик билан Мойкано фойдасига ҳал бўлди. Иккинчи раундда Жозе кетма-кет берилган кучли ва аниқ зарбалари эвазига Ренатони мувозанатдан чиқарди. Рефери бу вазиятда жангни тўхтатишдан ўзга чора топа олмади.