"Альпин" Формула-1'нинг икки карра чемпиони билан шартномани узайтирди

"Альпин билан шартномани 2022 йилгача янгилаганимдан жуда хурсандман. Бу жамоада ўзимни уйдагидек ҳис қиляпман, Формула-1'даги энг яхши муҳандислар билан ишлаш ёқимли", - деди испаниялик пойгачи.

Июль ойида Фернандо Алонсо 40 ёшга тўлди. У фаолиятидаги икки чемпионликни ҳам "Рено" жамоаси таркибида қўлга киритган: 2005 ва 2006 йилларда. Испаниялик пилот Формула-1'даги фаолиятини "Минарди" билан бошлади ва 2001 йилги мавсумни шу жамоада ўтказди. "Рено"даги тўрт мавсумдан сўнг (2003 йилдан 2006 йилгача), Фернандо "Макларен"га кўчиб ўтди ва бир йил ўтиб у ердан жанжал билан кетди. Яна икки мавсумни "Рено"да ўтказгандан сўнг, Алонсо "Феррари"га ўтди, лекин у учинчи чемпионликни қўлга кирита олмади.

2015 йилда Алонсо "Макларен"га қайтди, аммо шоҳсупага кўтарила олмади. 2018 йилги мавсумдан сўнг у икки йил Формула-1 пойгаларида қатнашмади. 2021 йилгача у "Альпин" билан шартнома имзолаган эди.