05 май 05:48
Янгиликлар

Бокс/ММА

Альварес vs Жейкобс. Дэниэл жанг куни тарозидан ўта олмади

Бироздан сўнг АҚШнинг Невада штати Лас-Вегас шаҳрида ўтказилаётган профессионал бокс оқшомининг марказий жанги бошланади.

Унда ўрта вазн тоифасида IBF чемпиони америкалик Дэниэл Жейкобс WBC ва WBA йўналишлари чемпиони мексикалик Сауль “Канело” Альваресга қарши рингга кўтарилади.

Эътиборлиси, жанг куни Жейкобс тарозида белгиланган вазн (77,1 кг) меъёрини бажара олмади. Дэниэлнинг жангга бир неча соат қолган бир пайтдаги вазни 78,7 кг чиққан.

Мавжуд қоидаларга мувофиқ жанг ҳар қандай ҳолатда ҳам ўтказилади. Фақат Жейкобс рақибига 1 миллион доллар миқдорида жарима суммасини тўлаб беради. Альвареснинг ўзи 76,7 кг тош босган.