Амалдаги жаҳон чемпиони финалга чиқди, иккинчи финалчи тай-брекда аниқланади

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Кеча жаҳон чемпионатида ярим финалнинг икккинчи партиялари ўйналди. Амалдаги жаҳон чемпиони хитойлик Жу Вен Жун оқ доналарда россиялик Александра Костенюк билан дуранг ўйнади.

Биринчи партиядаги ғалаба эвазига хитойлик шахмат маликаси финалга йўл олди. Айнан амалдаги жаҳон чемпиони чорак финалда юртимиз шарафини ҳимоя қилган вакиламиз, аёллар ўртасида халқаро гроссмейстер Гулруҳбегим Тоҳиржоновани қийинчилик билан 1,5:0,5 ҳисобида таслим эта олганди. Иккинчи ярим финалда Мария Музичук ҳамда Катерина Лагно тўқнаш келишди ва бу сафар ҳам муросага келишди. Бугун ҳал қилувчи тай-брек ўйналади.