Амалдаги жаҳон чемпионининг рақиби маълум, бугун финал бошланади

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Бугун жаҳон чемпионатида ҳал қилувчи финал учрашуви бошланади. Амалдаги жаҳон чемпиони хитойлик Жу Вен Жун россиялик Катерина Лагнога қарши дона суради. 

Лагно ярим финалнинг ҳал қилувчи тай-брек учрашувида украиналик Мария Музичукни мағлубиятга учратиб, финалга йўл олди. Бугун финалнинг илк партияси ўйналади. Амалдаги жаҳон чемпиони чорак финалда юртимиз шарафини ҳимоя қилган вакиламиз Гулруҳбегим Тоҳиржоновани қийинчилик билан тай-брекда 1,5:0,5 ҳисобида таслим эта олганди.